شمااااااااااااااارات

شنداوي فضي

يا اخوانا يا ناس شندى معروف انكم ناس شمارات وبتزرعو الشمار الاخضر والابيض والشمار المسحون والخشن وشمار الطعميه (شهره شندى) والشمار الناعم وكل وما لذ وطاب من انواع الشمارت
وشندى اكتر مدينه فيها شمارت ولحدى اسع من انشاء المنتدى شماركم السحنتو ماشوفنا
ادونا شمااااااااااااااار حااااااااااااار كده خلونا نفرفش

مشرف منتدي الارض الواعدة

شكلك كده بتاع شمارات كدي أبدا انت شمشر!!! راجينك

مشرف المنتدي العام

كل السودانيين ما ناس شندى بس

شنداوي فضي

انا فعلا بتاع شماااارات
وياريت البدخل على الموضوع يعلق عشان نعرف نسبه الشمشارين فى المنتدى ديل كم
ونبدا معاهم صفحه شمااااااااااااااارات

المدير العام

نحن بنعرف أنو كونان ده محقق وكمان طلع بتاع شمارات

شنداوي جديد

ياكونان ماتصطاد في الموية العكرة ،،،،، خلي الناس في حالة مالك وما الشمارات ؟؟؟؟

شنداوي فضي

عليك الله يا ود الحاج انت مابتحب الشمار
اسع قوعادك فى النت ده ماشمار وكمااااااان داخل على شماااارت داير شنو غير الشمار
اعتمدناك من ناس الشمار وراجين شماااارك

شنداوي فضي

مره وانا فى امدرمان كان عندى نيه حلاقه .. واصلا انا ما بحلق الا عند حلاقى الخاص
المهم لقيت نفسى مضطر لازم احلق عشان عندنا مناسبه
جيت مارى بموقف الشهداء حوالى الساعه 10 مساء لقيت محل حلاقه فاتح وفى واحد نضيف وقاعد بره اشبه اهل العوض فتحت المحل ودخلت مالقيت زوول
جاء الشاب ده داخل قولت ليه وين الحلاقين قال لى قاعدين اتفضل
وقعدت جانى زولك زاتو بى مقصاتو
اتنفضت وقلت ليه يازول انت حلاق قال ايوه وصاحب المحل كماان
قعدت وزولك وقع فينى معيط ومره خنق والله يا اخونا جد خنق عديل كده قال بحلق كده
وهاك ياقريم ويا حفر وشى عجيب
والشكله قامت وهو مصر انو حلاق
ودخلو الاجاويد واتفكينا وبعد ده كله اديتو حقو
مشيت لى زولى الحلاق يشيل ويضحك فينى قال لى العلاج الوحيد للحلاقه دى نمره واحد
وعديت المناسبه متخفى تحت طاقيه
اها رايكم شنو فى الشماااااااااااااار ده

شنداوي جديد

اها تانى امشى اتلبد جنب الشهداء
يكونان فى واحد عاقل بحلق فى الشهداء

مشرف المنتدي العام

يا جماعة كدى كبرو الخط عشان نشوف معاكم
شكلى ح يفوتنى شماراتكم لأنى ما شايف

شنداوي فضي

والله ياناس شندى تحيرو عديييييييييييل
وين الشماراااارت حررو الشغله دى خلونا ننفرفش
ولا انسحب من منتدى شماركم ده واحترف فى منتدى شماااااااااااااار تانى

المدير العام

هو يا زول انت جنك شمار الليله ما فطرت بي فول ولا شنو

شنداوي فضي

انا باكل الفول الطعميه مش عشان بحبهم بس حباً فى الشمار بتاعم

المدير العام

طيب اديك الشمار ده الجماعة اليوم ماشين عزومة بعد المغرب لي واحد معرس جديد

شنداوي فضي

الجماعه مشو ولاقيناهم .. شمارك ضاااااااااارب Sad

المدير العام

وانت العزمك منو

شنداوي فضي

قول ما بعرف زول .. البسبوسه والباسطه والتورته ديل دايرين ليهم عزومه ديل حبايبى

شنداوي ذهبي

أنت جنك أكل ما تقول مشيت الاقي الناس واتونس معاهم ولا أقول مشيت أبارك للزول بيتو

زائر

شمار كرت

قالو تحت تحت كده

عنتر وعبله

عبلة شمااااااااااااااارات In_love

عشرينية
يختلف لون بشرة وجهها عن بقية اجزاء جسدها ، ترتدي اسكيرتا لا داعي لذكر
اوصافه وبلوزة قصيرة ، شعرها تركيبة ومشيتها عجيبة عجيبة ومكياجها مصيبة
وفي ادعاء البراءة وعدم الفهم ماهرة اريبة ومن المعجبين مالية ليها زريبة .
عنترة شمااااااااااااااارات Beee

شاب سوداني
لا تتجاوز احلامه وسادته ، طويل القامة ضئيل الوسامة مسيييخ وعندو حبة
لئامة ، جيبه عدمان القرش وعيشته عيشته عيشة الندامة لكن زي كل السودانيين
عند بواقي عزة وكرامة ، حاول يحسن اوضاعه فطار الي المسعودية حيث عمر وزاغ
ثم عاد الي الوطن في كشة لعدم ال...... المدعوة الاقامة ، اصبح من ضلنيمة
لي برندة دكان لي شلة كشتينة ولسان حال اهله حتام؟؟؟مسرح الاحداث
حافلة مزدحمة تئن تحت وطئة ضغط ركابها الكثر والحرارة الشديدة رسمت تكشيرة علي الوجوه المتعبة ، كانا جالسين بجوار بعضهما البعض .
محطة الوصول
نزلا معا عند المحطة ، وهنالك علي البعد تهادت سيارة فارهة مكندشة مظللة ببطء شديد ثم توقفت غير بعيد من عبلة
المطلوب

ما الحوار الذي دار بينهما في الحافلة من خلال القريته

شنداوي ذهبي

بسم الله الرحمن الرحيم
يا بتاع الشمارات انت اخطأت في تقيمك الي نا س شندي . وناس شندي ما بهبشوا زول
وعشان كدي ما تهبشهم . فاهم ؟؟؟؟؟؟؟؟؟؟؟

شنداوي فضي

فااااااااااااااااااهم؟؟؟؟؟
شنو شغل الجعليين ده.. افوووو
انا الشماااار ما بخلهيو .. والشمار عندكم ياناس شندى بتزرعو وتغربلو وبعد ده بصدرو فاهمه ؟؟؟؟؟؟؟
يابت شندى .. وادينا شمارك

شنداوي فضي

اخونا ود المبارك قصتك قمه الروعه .. وانا قدر مافكرت فى الحوار الدار شنو ما وصلت لى شى
كدى بينى وبينك ادينى شمار الحوار ده

عضو مميز

دا حوار شماراتي عالي الغربلة ارجو الشمار الاخير ده حلو شنو

شنداوي ذهبي

كونان يا الجنك شمار وينك ما ظاهر

شنداوي ذهبي

يقال ان الشمارات دى حركات نسوان وعيب على الرجال فعيب عليكم ذلك

المدير العام

ogeelosman كتب:: يقال ان الشمارات دى حركات نسوان وعيب على الرجال فعيب عليكم ذلك

كونك دخلت هنا يعني إنك بتاع شمار وداير تشمشر

عضو مميز

هههههههههههههههه ردك في محلو يا رازي

شنداوي ذهبي

كنت داير اشوف الزول الطرح الداير شمارات ده منو والله انا بنصحو انو يمشى مجمع التربية بلقى كل شمارات البلد ويخبر محبيى الشمارات ا الحاصا شنو ويكون مراسل الشمارات للمنتدى ويجيب الجديد

عضو مميز

هههههههههههه والله كلامك صح تربيه ما فيها غير الشمارات

شنداوي جديد

سلام ياناس الشمار والطعميه (شندى) مشهوره بالشمار
وده لانو اصدقائى من ناس شندى وكونان ما جاب حاجه من عندو
الشمار جين داخل فى تركيبه ناس شندى من دون خلق الله

شنداوي جديد

شمااااار فى ناس شندى
اولاً ناس شندى بقولو الطش لى طشت الغسيل
وبقول هونوك لى هناك
وبقولو الشمش لى الشمس
وبقولو الرماضه لى للتراب السخن
وبقولو الهجيره لما الشمس تسخن
وبقولو كتمت فينى لما الزول يكون زهجان
وبقولو ازحف قادى وتر شويه لى زح حبه
ومفردات فى اللغه جميله ومميزه
ولا شنو يا ناس الطش

المدير العام

ود أمدرمان خلي الشمار وأنت كونان من طينه واحدة الشمار عندكم في إمدرمان

شنداوي جديد

يا ابوبكر الاعتراف فضيله كدى بينى وبينك نا س شندى ديل مش بتاعين شماااااااااار
خلى كونان ورينى رايك انت

المدير العام

ود امدرمان كونان وين
ما لو ما ظاهر

شنداوي ذهبي

بسم الله الرحمن الرحيم
يا ود امدرمان تطيش وما تعرف الدرب ( قول امين ) لانك مسيت ناس شندي

والسلام

المدير العام

يا ود أمدرمان الشمار جابك من امدر لي شندي

شنداوي جديد

اطش وين يابت شندى .. خايف اطش والشمار يكتلك ما تعرفنى طشيت وين

بت شندي كتب:: بسم الله الرحمن الرحيم
يا ود امدرمان تطيش وما تعرف الدرب ( قول امين ) لانك مسيت ناس شندي
والسلام

شنداوي جديد

ياناس شندى قالو عندكم فى السوق سمك خطييييير ورخيص ادونا شمارو امكن نجيكم