صرخة صرخة صرخة

يابت شندى سلام للاسف الاوساخ تقابلكمن مدخل المدينة فما بالك بداخل المدينة حمانا الله واياكم من عواقب الاوساخ .
يوجد الكثير من الشباب الذين لا مشغلة لهم سوى التجمع فى الاماكن العامة فماذا لو رغبوا وتم الاستفادة منهم فى نظافة المدينة وتجميلها

أهلنا..
سلام
موضوع النظافة دا ، موضوع شخصي في المكان الأول ، ويبدا من داخل البيت ومنذ الطفولة . يعني الطفل كان نشأ علي حب النظافة بتوجيه من والديه ، بيكون البيت نضيف ، والشارع نضيف ، والمدرسة نضيفة والقرية أو المدينة نضيفة " والنظافة من الإيمان " حسب تعاليم دينا.
أذكر أني في مطعم بشندي ، جابو لينا سمك مقلي في ورقة جريدة ، إختلط فيها الزيت الحار بحبر الجريدة الأسود ، والغبار ،والتربيزة ذاتها وسخانة . رفضت الأكل وقلت لصاحب المطعم الكلام دا ماصاح ياخي ، الناس هنا بتدفع قروش ، وبتهمها صحتها ، قام وجه الجرسون يجيب لي الأكل في صحن . عاينت لي الموية البغسلو فيها الصحون ، لقيتها سوداء من الوسخ . غايتو لو ماكنت جعان ومعاي ناس ، مافارقة معاهم كتير ، كنت خليت الأكل وفت .
من هنا أناشد مكتب الصحة بالمرور علي المطاعم بصورة منتظمة ، والتشديد علي مراعاة النظم الصحية .
ودمتم في تمام الصحة والعافية
سيف

لو كل انسانة كنست قدام بيتها يكون مافي وسخ
يا طالب الجامعة يعني امك تكنس قدام بيتها وبعد ما عملت اليك الاكل والشراب وانت تعمل المشاغلات من هنا وهناك وتلعب الكورة وامك تكنس الشارع وين يا شباب وين الطاقات ذهبت
مطالبين كل الشنداولين قبل الشنداوات بنظافة شندي والموضوع هذا مهم جدا حتي نتمكن بخطوة اخري . ولو ما اشتركت فيه جميع الفئات لا يتحقق ولهذا من المفترض ا ن ينخرط فيه الجميع . ونأمل ان تكون شندي اولي المدن في العالم في النظافة وهذا يكون بنا . بس كيف نضع برنامج لهذا وليس علي ست البيت فقط

الموضوع بجد يحتاج لوقفه النظافة مسئولية الجميع وذكر الدفاع الشعبي والشركة الشعبية وكل منظمات المجمتمع المدني والحكومي وللشباب ككل وابناء الدفاع الشعبي من صلب هذا المجتمع ولا يمكن أن نوصفهم بالعبيد ولكن القصد ان صاحب البوست استوسم في خيرا.
النظافة تبدأ من داخل البيت ثم أمام المنازل وبعد ذلك الحي ويا حبذا لو كل شخص زرع أشجار أمام منزله ولو شجره واحدة فسوف نري الفرق. ولكم مودتي واحترامي

موضوع النظافة مهم وجيوى نرجو ان يجد الاهتمام من الجميع

يللا نبدأ برنامج النظافة ونلملم اولا البراميل و الشوالات الحنلم فيها الوساخة  ونتلم نحن الفي المنتدى ديل كبار وصغار ذكور و اناث ونخطط للحملة بتاعة النضافة دي و اكيد حنجمع مجموعة من المواطنين الحاسين بالمسألة دي وحنقدر نعمل حاجة جميلة وللا رايكم شنو